كشف الفنان مراد مكرم كواليس خسارة وزنه، وذلك من خلال لقاء له ببرنامج صاحبة السعادة مع الإعلامية إسعاد يونس على شاشة تلفزيون قناة دي إم سي.

كواليس خسارة مراد مكرم وزنه

وقال مراد مكرم في تصريحاته التي يرصدها موقع تحيا مصر: أنا جسمي كان حلو لحد قبل الجواز بـ 3 سنين، وزدت شوية بعد الجواز، ومراتي عيلتها كبيرة واتعزمنا كتير، ومع أكل ماما لقيت نفسي ضربت جامد، لكن برنامج الأكيل زودني 8 أو 10 كيلو، وابتديت أدخل في مشاكل صحية، ومكنتش عارف ألعب مع ابني في طفولته، وخدت وقت علشان أخرج من الدايرة المفرغة، وإني أطلع كل عاطفتي في الأكل سواء متضايق أو محبط أو أكافئ نفسي بالأكل، وجت فكرة الرجوع للجيم.

مراد مكرم: أنا وصلت لـ 158 كيلو

واضاف مراد مكرم: أنا في الرياضة من 4 أو 5 شهور، لكن بدأت أخس قبلها ونزلت 10 كيلو لأسباب مرضية وحقن من آثارها الجانبية إني إخس، ولما رجعت أتمرن ومع بعض نصائح المدرب في الأكل نزلت 14 كيلو، أنا كنت وصلت لـ 158 كيلو في 20 سنة، لما أخس في سنة أو سنة ونص مش معضلة ومش مستعجل، ولو نزلت لـ 100 كيلو بالعملية شكلي هيكبر 20 سنة، وقبل ما أخس كنت افتح التلاجة وأكلمها وباكل كتير منها.. خاصة وانا زعلان.. دلوقتي بقينا غرباء.

مراد مكرم يعلق على نشر فواتير مطعم الشيف بوراك

وسبق وأن شارك الفنان مراد مكرم منشور يوضح من خلاله استيائه من انتشار صور فواتير المطاعم خاصةً بعد تزايد الأمر وانتشار صور فواتير مطعم الشيف بوراك بعد افتتاحه في مصر التي توضح أسعاره الهائلة والتي وصفها البعض بأنها مرتفعة بشكل مبالغ فيه.

علق الفنان مراد مكرم على انتشار صور فواتير مطعم الشيف بوراك التي أحدثت جدلًا واسعًا وتصدرت التريند بعد افتتاح المطعم بأيام قليلة بسبب أسعار الأكلات المبالغ فيها، وكتب مراد مكرم في منشور يرصده موقع تحيا مصر عبر حسابه الرسمي على موقع التواصل الاجتماعي فيسبوك: "اسمحولي انتقد فعل ما بفهموش خالص بصراحه، انا انتمي للطبقه الوسطي الاعلي(upper middle class) و طول عمري عارف ان فيه أماكن تناسبني ماديا و اماكن لأ، فيه أماكن ممكن اروحها مرة واحدة كده على سبيل التجربه وأماكن أقدر اروحها كل يوم لو احب.. ايه الفكرة بقى من إني أروح مكان أنا عارف إنه لا يناسب إمكانياتي او حتي يناسب و أصور الفاتورة وأوري الناس أنا دفعت كام!!!! .. الأكتر بقى واحد عمل كده، ايه الفكرة من إني أشير تجربة غيري؟ لأ فعلا فيه حاجه غلط مش فاهمها".