صحيفة المرصد: وثق تقرير لقناة الإخبارية قصصاً مختلفة لمحبي السيارات في شارع الغرابي في الرياض المعروف بتجهيز السيارات، على امتداد 600 متر.

من جانبه قال عبدالله العوادي وهو أحد زبائن الشارع :"طبعاً اللي برة الغرابي فيه محلات بس تجدها في محطة، يعلب بك بالسعر لكن هنا تلعب أنت بهم بالسعر، يعني القطعة اللي أزينها بالشرق بـ 100 ريال أزينها هنا بـ 30 ريال".

وأضاف :"الحين موسم تجهيز سيارات البر، تجهيز الإنارات، وأنا من 45 سنة وأنا أتعامل معهم هنا وأول ما جيت الغرابي كان معي "القعية" 180 B موديل 79، جيت كان مراتبها جلد ولا فيها مكيف كانت حر، جيت ونجدتها".

فيما قال مطلق آل سعد :"جيت 4 مرات الشهر هذا لتركيب أضواء ليد وأشتري المراتب وتنجيد الأرضية وغيرها".

وقال الشاب سليمان الربيش :"أنا عمري 18 توي بادئ بالجامعة وهذي السيارة تاريخ يبى لها تجديد واهتمام، المالك اللي قبل كان مهملها شوي"، مشيراً إلى ان جميع مكافآته الجامعية صرفها على تجهيز السيارة."

في أشهر شوارع تجهيز السيارات.. شاب بعمر الـ 18 يصرف جميع مكافآته الجامعية على سيارة كلاسيكية وآخر يتغنى بذكرياته مع سيارة "القعية"

من مراسل #الإخبارية عبد الرحمن الأحمدي pic.twitter.com/9JQwJq25Sl

— قناة الإخبارية (@alekhbariyatv) January 30, 2025